159999
  ۱۳۹۸/۶/۱۰
شعر شماره 1/
قلم یازاندا «حسین» آغلاییر بوتون گوزلر/ زمان دایانسادا گوز یاشلاری دایانمایاجاق
حوزه هنری آذربایجان شرقی به مناسبت ایام محرم اشعار شاعران استان را منتشر می کند که شعر زیر توسط احمد راضی فرد سروده شده است.
   


یئنه گییب قارا کوینه‌ک قان آغلاییر کوچه‌لر

یئنه غمه بورونوب غملی اوخشاییر کوچه‌لر

آقام آقام چاغیریر اوز - گوزون دیدیر خیاوان

یاس اورتویون باشا اورتموش سیزیلداییر کوچه‌لر

نه‌دیر بو منظره یئر  - گوی نه‌دن یولور زولفین

نه‌دن قازان کیمی درد ایچره قایناییر کوچه لر؟

قیامت آخشامی‌دیر، یا کی کربلا کتابین-

آچیب یئنه غم ایچینده واراقلاییر کوچه‌لر؟

مگر دوشوب یادینا چولده‌کی سوسوز گول‌لر

کی داملا - داملا فراتی یامانلاییر کوچه‌لر؟

سو مشکینه ده‌یه‌‍ن اوخ نیله‌دی سوسوز چولده

کی گوزلرینده سو حسرتله چالخاییر کوچه‌لر؟

نه دن بله‌شدی قانا کربلاده حق گونشی

نه دن قارانلیق ایچینده قان آغلاییر کوچه‌لر؟

"""""""

قلم یازاندا «حسین» آغلاییر بوتون گوزلر

زمان دایانسادا گوز یاشلاری دایانمایاجاق..........

 

©2019 HozehHonari. All Rights Reserved